Serikali ya Kenya Imepiga Marufuku Magari Yaliyosajiliwa Tanzania Kupakia au Kushusha Watalii kwenye Uwanja wa Ndege wa Kimataifa ya Jomo Kenyatta (JKIA)

Kwa mara nyingine Serikali ya Kenya imepiga marufuku magari yaliyosajiliwa Tanzania kupakia au kushusha watalii kwenye Uwanja wa Ndege wa Kimataifa ya Jomo Kenyatta (JKIA), hifadhi za taifa na mapori ya akiba nchini humo.

Marufuku hiyo inayoanza leo ilitolewa jana na Waziri wa Masuala ya Afrika Mashariki, Biashara na Utalii wa Kenya, Phyllis Kandie alipokuwa akizungumza na waandishi wa habari jijini Nairobi.

Uamuzi huo ambao ulitolewa kwa mara ya kwanza Desemba 2014 na baadaye kubatilishwa, umefikiwa kwa kuwa magari ya Kenya wanayobeba watalii hayaruhusiwi kuingia kwenye viwanja vya ndege na hifadhi za taifa za Tanzania.

Waziri huyo alisema kuwa baada ya Kenya kupiga marufuku Desemba 22 mwaka jana, Waziri wa Maliasili na Utalii wa Tanzania, Lazaro Nyalandu alikwenda nchini humo na kuomba muda wa wiki tatu kushughulikia suala hilo.

Walipotafutwa kwa njia ya simu, si Nyalandu, naibu wake, Mahmoud Mgimwa wala katibu mkuu wa wizara hiyo, Dk Adelhelma Meru waliopatikana na walipotafutwa kwa simu, hawakupokea.

Waziri kivuli wa Wizara ya Maliasili na Utalii, Mchungaji Peter Msigwa, alisema Kenya inafanya hivyo kushinikiza kufunguliwa kwa mpaka wa Bologonja uliopo kati ya nchi hizo mbili.

“Ni hekima tu inayotakiwa itumiwe na serikali yetu. Wizara inabidi ipime ipi faida na hasara,” alisema Msingwa ambaye pia ni mbunge wa Iringa Mjini.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.