Andy Murray kutoka Uingereza amefanikiwa kutinga katika hatua ya fainali ya michuano ya Australian Open baada ya kumshinda mpinzani wake Tomas Berdych katika mchezo wa hatua ya nusu fainali uliounguruma huko mjini Melbourne.
Murray alionyesha kuwa katika wakati mgumu wa kufikia azma ya ushindi katika mchezo huo, baada ya kufanya vibaya katika seti ya kwanza ya mchezo huo, lakini mpaka mwisho mambo yaligeuka na kumtoa nishai Berdych kwa kumtandisha seti tatu kwa moja ambazo ni 6-7 6-0 6-3 7-5.
Hata hivyo Murray anakua mchezaji wa kwanza kutinga katika hatua ya fainali upande wa wanaume kwa mwaka huu, na sasa anamsubiri mshindi wa mchezo wa pili wa hatua ya nusu fainali utakaochezwa hii leo kati ya Novak Djokovic dhidi ya bingwa mtetezi Stan Wawrinka.
Wakati huo huo mwanadada kutoka nchini Marekani anaeshika namba moja kwa ubora duniani Serena Williams ametinga katika mchezo wa hatua ya fainali ya michuano ya Australian Open baada ya kufanya kazi nzito ya kumshinda mmarekani mwenzake Madison Keys seti mbili kwa sifuri ambazo ni 7-6 na 6-2.
Ushidni huo unamfanya Serena kufika katika hatua ya fainali ya michuano hiyo mara sita na sasa atakutana na Maria Sharapova ambaye alifanikiwa kushinda mchezo wa hatua ya nusu fainali dhidi ya Ekaterina Makarova kutoka nchini Urusi kwa seti mbili kwa sifuri ambazo ni 6-3 6-2.
0 comments:
Post a Comment